اسلام آباد : وزیر دفاع خواجہ آصف کا کہنا ہے کہ بھارتی فوج نے سوچے سمجھے منصوبے کے تحت فائرنگ کی، اگر بھارتی فوج نے پھر ایل او سی اور سیز فائر کی خلاف ورزی کی تو منہ توڑ جواب دیا جائے گا۔
پاکستان کے وزیر دفاع خواجہ آصف نے کہا ہے کہ گذشتہ رات بھارت کی جانب سے ایل او سی کے پانچ سیکٹرز میں چھوٹے ہتھیاروں کا استعمال کیا گیا، جس کے نتیجے میں دو پاکستانی فوجی ہلاک اور نو زخمی ہوئے ہیں۔
مزید پڑھیں : بھارتی فوج کی بلااشتعال فائرنگ، 2 فوجی اہلکار شہید
خواجہ آصف کا کہنا تھا کہ بھارت کی اشتعال انگیزی کا پاکستانی افواج نے بھر پور جواب دیا، اگر دوبارہ بھارت کی جانب سے ایل او سی کی خلاف ورزی کی گئی تو اس کا اسی انداز میں جواب دیا جائے گا۔
ان کا مزید کہنا تھا کہ یہ بھارت نے سوچے سمجھے منصوبے کے تحت صرف اپنے عوام کو مطمئن کرنے کے لیے کیا گیا ہے۔
Updates on unprovoked & naked aggression of Indian forces that took place in the wee hours of last night… pic.twitter.com/KfgOf7MvKT
— Khawaja M. Asif (@KhawajaMAsif) September 29, 2016