لاہور: ڈیفنس میں گاڑی کی ٹکرسے 6 افراد کی ہلاکت کے واقعے میں ملزم افنان نے گاڑی تیز چلانے اور ڈرفٹنگ کا اعتراف کرلیا۔
اے آر وائی نیوز کے مطابق 6 افراد کو گاڑی کی ٹکر سے موت کی آغوش میں پہنچانے والیے نوعمر ملزم افنان نے گاڑی تیز چلانے اور ڈرفٹنگ کا اعتراف کرلیا ہے۔
ذرائع کا کہنا ہے کہ ملزم افنان شفقت کی عمر کے تعین کرنے کے لیے او سی فکیشن ٹیسٹ کرا لیا گیا ہے۔
او سی فکیشن ٹیسٹ کی رپورٹ 3 سے4 روز میں پولیس کو مل جائے گی۔ ملزم کا پولی گرافک اور فوٹو گرامیٹیکل ٹیسٹ 29 نومبر کو فرانزک لیب میں ہوگا۔
ذرائع کا اس حوالے سے مزید بتانا تھا کہ پولیس ملزم کے ٹیسٹ کے سلسلے میں عدالت سے مزید ریمانڈ کی استدعا کرے گی۔
ملزم کے والد کو 27 نومبر کو ڈی آئی جی انویسٹی گیشن کے پاس پیش کیا جائے گا۔ ملزم کے والد ملک شفقت نے موقع پر موجود نہ ہونے کا بیان قلمبند کرا دیا ہے۔
