site
stats
پاکستان

دو دہشت گردوں سمیت گیارہ ملزمان گرفتار، مقابلے میں ایک ہلاک

لاہور / لکی مروت / اٹک : ملک کے مختلف شہروں میں پولیس کی کارروائیوں کے دوران دو مبینہ دہشت گردوں سمیت گیارہ ملزمان کو گرفتار کرلیا گیا، ایک ملزم پولیس سے فائرنگ کے تبادلے میں مارا گیا۔

تفصیلات کے مطابق ملک میں دہشت گردی کی روک تھام کیلئے قانون کے رکھوالے متحرک ہوگئے، لاہورمیں سی ٹی ڈی نے کارروائی کرکے خان کالونی سے دو مبینہ دہشت گردوں کو گرفتار کرلیا۔ ان کے قبضے سے بارودی مواد سمیت دیگر سامان برآمد کیا گیا۔

سی ٹی ڈی ذرائع کے مطابق مبینہ دہشت گردوں کا تعلق کالعدم تنظیم سے ہے۔ مبینہ دہشت گردوں میں عبداللہ معاویہ اور یعقوب شاہ شامل ہیں۔

دوسری کارروائی میں لکی مروت کے علاقے مسلم باغ میں سی ٹی ڈی پولیس کا دہشت گردوں سے مبینہ مقابلہ ہوا، جس میں ایک دہشت گرد ماراگیا، پولیس نے کارروائی کے دوران اسلحہ بھی برآمد کیا۔

علاوہ ازیں اٹک میں پولیس نے مختلف علاقوں میں سرچ آپریشن کرکے نو مشتبہ افراد کو حراست میں لے لیا ہے، ملزمان سے اسلحہ اور منشیات برآمد ہوئی ہیں۔

پولیس نے گرفتار ملزمان کیخلاف مقدمات درج کرکے باقاعدہ تفتیش کا آغاز کردیا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top