site
stats
پاکستان

آرمی چیف سے افغان میڈیا کے وفد کی ملاقات

راولپنڈی: افغان میڈیا کے 9 رکنی وفد نے جی ایچ کیو کا دورہ کیا اور آرمی چیف جنرل قمر جاوید باجوہ سے ملاقات کی۔

پاک فوج کے شعبہ تعلقات عامہ آئی ایس پی آر کے مطابق افغان میڈیا کے 9 رکنی وفد نے جی ایچ کیو راولپنڈی کا دورہ کیا۔ اپنے دورے کے دوران انہوں نے آرمی چیف جنرل قمر جاوید باجوہ سے بھی ملاقات کی۔

ملاقات کے دوران جنرل قمر جاوید باجوہ نے افغان میڈیا کے ارکان سے گفتگو کرتے ہوئے کہا کہ افغانستان ہمسایہ ملک ہے، دہشت گرد ہمارے مشترکہ دشمن ہیں۔

آرمی چیف کا کہنا تھا کہ پاکستان میں بلاتفریق دہشت گردوں کے خلاف آپریشنز کیے۔

انہوں نے میڈیا ارکان پر واضح کیا کہ پاکستان میں دہشت گردوں کا کوئی محفوظ ٹھکانہ نہیں ہے۔ پاکستان کی سرزمین افغانستان میں دہشت گردی کے لیے استعمال نہیں ہو رہی۔

انہوں نے کہا کہ پاک افغان سرحد پر مؤثر بارڈر مینجمنٹ بنانے کی ضرورت ہے۔ پاکستان نے اپنی سرحد پر پوسٹیں اور قلعہ قائم کر کے صورتحال بہتر کی۔

آرمی چیف کا مزید کہنا تھا کہ میڈیا منفی فضا رد کر کے بہتر ماحول پیدا کرنے میں کردار ادا کر سکتا ہے۔

ملاقات کے اختتام پر افغان میڈیا کے وفد نے آرمی چیف جنرل قمر جاوید باجوہ کا خصوصی طور پر شکریہ ادا کیا۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top