کراچی : کراچی اور حیدرآباد میں بلدیاتی انتخابات پر ایم کیو ایم کے تحفظات پر حکومتی وفد آج کراچی پہنچ رہا ہے، وفد ایم کیو ایم اور پیپلزپارٹی سے الگ الگ ملاقات کرے گا۔
تفصیلات کے مطابق کراچی حیدرآباد میں حلقہ بندیوں میں تبدیلی کے بغیر بلدیاتی انتخابات کرانے پر ایم کیو ایم پاکستان نے حکومت سے علیحدگی کی دھمکی نے وفاقی حکومت میں کھلبلی مچادی۔
حکومتی وفد ایم کیوایم کو منانے آج کراچی پہنچ رہا ہے، وفد میں ایاز صادق، سعد رفیق سمیت دیگرقائدین ہوں گے ، وفد ایم کیو ایم اور پیپلزپارٹی سے الگ الگ ملاقات کرے گا۔
حکومتی وفد ایم کیوایم کے بعد آصف زرداری اور بلاول بھٹو سے بھی ملاقات کرے گا، وفد ایم کیوایم کے تحفظات سے متعلق پیپلز پارٹی سے بات چیت کرےگا۔
گذشتہ روز ن لیگ کے رہنما ایاز صادق نے وفاقی وزیر امین الحق سے رابطہ کرکے کہا تھا کہ ایم کیوایم اہم اتحادی ہے، ہم نے جو وعدےکیے وہ پورے کیے، پیپلز پارٹی سے معاہدے پر عملدرآمد کیلئے اپنا کردار ادا کر یں گے۔
ایاز صادق کا کہنا تھا کہ وزیراعظم نےجوملاقاتوں میں بات کی اس پرقائم ہیں، ایم کیوایم کےتحفظات سےمتعلق وزیراعظم سےبات کروں گا ، ایم کیوایم اپنا مؤقف رکھ چکی اب وفاق اور پیپلزپارٹی نے اپناکام کرنا ہے۔
