وزیرِ اعظم عمران خان سے جاپان کے ڈپٹی ہیڈ آف مشن کی ملاقات -
The news is by your side.

Advertisement

وزیرِ اعظم عمران خان سے جاپان کے ڈپٹی ہیڈ آف مشن کی ملاقات

اسلام آباد: وزیرِ اعظم عمران خان سے جاپان کے ڈپٹی ہیڈ آف مشن نے ملاقات کی، ملاقات میں جاپانی وفد نے پاکستان میں سرمایہ کاری کی خواہش کا اظہار کیا۔

تفصیلات کے مطابق جاپان کے ڈپٹی ہیڈ آف مشن نے وفد کے ہم راہ وزیرِ اعظم عمران خان کے ساتھ ملاقات کی، وفد کے سربراہ نے کہا کہ جاپان پاکستان کے ساتھ مختلف شعبوں میں تعاون اور سرمایہ کاری بڑھانا چاہتا ہے۔

دونوں ممالک کے درمیان جلد اہم معاہدوں کا امکان ہے

اس موقع پر وزیرِ اعظم عمران خان نے کہا کہ پاکستان میں سرمایہ کاری کے بے شمار مواقع موجود ہیں، پاکستان جاپان کے ساتھ بڑی سرمایہ کاری کے لیے تیار ہوگا۔

وزیرِ اعظم پاکستان کے ساتھ جاپانی وفد کی ملاقات کے بعد دونوں ممالک کے درمیان جلد اہم معاہدوں کا امکان پیدا ہو گیا ہے۔

خیال رہے کہ ایک ماہ قبل وزیرِ اعظم عمران خان سے چینی وزیرِ خارجہ وانگ ژی نے وفد کے ہم راہ ملاقات کی تھی، وفد نے کہا تھا کہ چینی قیادت نئی حکومت کے ساتھ مل کر کام کرنے کی خواہاں ہے۔


یہ بھی پڑھیں:  وزیراعظم عمران خان سے چینی وزیر خارجہ کی ملاقات، عالمی معاملات پر تبادلہ خیال


گزشتہ ماہ وزیرِ اعظم سے سعودی وزيرِ تونائی خالد الفالح نے بھی ملاقات کی تھی، ملاقات میں دونوں ممالک میں تجارت، سرمایہ کاری اور اقتصادی تعلقات پر تبادلہ خیال کیا گیا۔

Comments

comments

یہ بھی پڑھیں