بھارت کے وزیر اعظم نریندر مودی سے ڈگری دکھانے کا مطالبہ کرنے پر دہلی کے وزیر اعلیٰ اروند کیجریوال بڑی مشکل میں پھنس گئے۔
وزیر اعلیٰ دہلی اروند کیجریوال نے گجرات ہائی کورٹ کے مرکزی انفارمیشن کمیشن کے اُس حکم کو مسترد کرنے کے فیصلے پرتنقید کی جس میں گجرات یونیورسٹی کو وزیر اعظم کی ڈگریوں کے بارے میں معلومات کی تلاش کرنے کی ہدایت کی گئی تھی۔
عدالت نے اروند کیجریوال پر 25 ہزار (بھارتی روپے) کا جرمانہ عائد کرتے ہوئے انہیں رقم چار ہفتوں کے اندر گجرات اسٹیٹ لیگل سروسز اتھارٹی کے پاس جمع کرانے کی ہدایت کر دی۔
اروند کیجریوال نے جرمانہ عائد ہونے پر اپنے ٹوئٹر ہینڈل سے لکھا کہ ایک کم تعلیم یافتہ وزیر اعظم ملک کے لیے خطرناک ہوتا ہے، کیا کسی کے پاس یہ حق نہیں کہ وہ اپنے ملک کے وزیر اعظم کی تعلیمی قابلیت کے بارے میں سوال کرے؟
وزیر اعلیٰ نے لکھا کہ نریندر مودی نے عدالت میں اپنی ڈگریاں دکھانے سے کیوں انکار کیا؟ اور کیا ڈگری دکھانے کا مطالبہ کرنے والے پر جرمانہ کیا جائے گا؟ یہ آخر ملک میں ہو کیا رہا ہے؟
क्या देश को ये जानने का भी अधिकार नहीं है कि उनके PM कितना पढ़े हैं? कोर्ट में इन्होंने डिग्री दिखाए जाने का ज़बरदस्त विरोध किया। क्यों? और उनकी डिग्री देखने की माँग करने वालों पर जुर्माना लगा दिया जायेगा? ये क्या हो रहा है?
अनपढ़ या कम पढ़े लिखे PM देश के लिए बेहद ख़तरनाक हैं https://t.co/FtSru6rddI
— Arvind Kejriwal (@ArvindKejriwal) March 31, 2023
