تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

دہلی کے وزیر اعلیٰ کی بیٹی کو ٹھگ لیا گیا

نئی دہلی: دہلی کے وزیر اعلیٰ کیجریوال کی بیٹی آن لائن ٹھگی کا شکار ہو گئیں۔

تفصیلات کے مطابق صوفہ بیچنے کے چکر میں کیجریوال کی بیٹی کو 34 ہزار روپے کی رقم سے ہاتھ دھونے پڑ گئے۔

وزیر اعلیٰ اروند کیجریوال کی تعلیم یافتہ بیٹی ہرشیتا نے کبھی خواب میں بھی نہیں سوچا ہوگا کہ اس کے ساتھ اس طرح کوئی فراڈ کر سکتا ہے، خرید و فروخت کی معروف آن لائن پلیٹ فارم او ایل ایکس پر صوفہ بیچتے ہوئے انھیں چونتیس ہزار روپے سے محروم ہونا پڑا۔

ہرشیتا نے اپنے گھر کے پرانے صوفے بیچنے کے لیے او ایل ایکس پر اشتہار ڈالا تھا لیکن اس چکر میں وہ ٹھگی کا شکار ہوگئیں، اور ان کے اکاؤنٹ سے دو مرتبہ میں 34 ہزار روپے کٹ گئے۔

کیجریوال کی بیٹی نے دہلی کے سول لائنز تھانے میں اس کی شکایت درج کرا دی، ہائی پروفائل کیس ہونے کی وجہ سے پولیس نے تندہی کے ساتھ تحقیقات شروع کر دی ہے۔

رپورٹ کے مطابق ہرشیتا نے پولیس کو بتایا کہ وہ اپنے گھر کا صوفہ بیچنا چاہتی تھیں اور اس کے لیے انھوں نے او ایل ایکس کی سائٹ پر اشتہار ڈالا، اس کی تصویر بھی اَپ لوڈ کی، پھر کسی نے صوفہ خریدنے میں دل چسپی دکھاتے ہوئے رابطہ کیا اور اس کے بعد ایک رقم طے ہو گئی۔

بیان کے مطابق رقم طے ہونے کے بعد ٹھگ نے ہرشیتا کا اعتماد جیتنے اور اکاؤنٹ نمبر کی تصدیق کے لیے پہلے 2 روپے ہرشیتا کے اکاؤنٹ میں ڈالے، اس کے بعد نامعلوم ٹھگ نے ہرشیتا کو ایک کیو آر (QR) کوڈ بھیجا جس کو اسکین کر کے پیسے اکاؤنٹ میں بھیجے جانے تھے۔

لیکن ہرشیتا کے اکاؤنٹ میں رقم آنے کی بجائے الٹا اس میں سے رقم کٹ گئی، جب ہرشیتا نے اس کو بتایا تو اس نے کہا کہ غلط کیو آر کوڈ چلا گیا، وہ اس کو دوسرا کیو آر کوڈ بھیج رہا ہے اور اس کو اسکین کرنے کے بعد کاٹی گئی رقم بھی واپس آ جائے گی اور صوفے کی طے رقم بھی اکاؤنٹ میں آ جائے گی۔

ہرشیتا سائبر ٹھگ کی چال میں دوبارہ آ گئیں اور انھوں نے دوبارہ کیو آر کوڈ اسکین کر لیا جس کے بعد ایک مرتبہ پھر ہرشیتا کے اکاؤنٹ سے پیسے کٹ گئے، اور یوں دو مرتبہ میں ان کے کھاتے سے 34 ہزار روپے کٹے۔

Comments

- Advertisement -