دہلی: بھارت کی ایک ویڈیو وائرل ہوئی ہے، جس میں موٹر سائیکل سوار کانسٹیبل نے چور پکڑنے کے لیے جان خطرے میں ڈال دی۔
تفصیلات کے مطابق دہلی پولیس کے ایک ٹویٹر اکاؤنٹ پر ایک ویڈیو شیئر کی گئی ہے، جس میں ایک پولیس اہل کار کو چور پکڑتے دکھایا گیا ہے، جب کہ دونوں موٹر سائیکلوں پر سوار تھے اور اچانک آمنے سامنے آ گئے تھے۔
ویڈیو میں دیکھا جا سکتا ہے کہ کانسٹیبل نے جان کی پروا نہ کرتے ہوئے اپنی موٹر سائیکل چھوڑی اور جھپٹا مار کر ایک اور موٹر سائیکل پر سوار چور کو قابو کر لیا۔
پولیس کے مطابق چور 11 واقعات میں ملوث تھا، اور آخر کار کانسٹیبل نے اسے رنگے ہاتھوں پکڑ لیا۔
अपनी जान की परवाह किए बगैर शाहबाद डेरी थाने के कांस्टेबल सत्येंद्र ने एक स्नैचर को गिरफ्तार किया।
इस स्नैचर की गिरफ्तारी से 11 मामले सुलझाए गए।
विधिक कार्यवाही जारी है।@dcp_outernorth#HeroesOfDelhiPolice pic.twitter.com/PceBbYpdYQ— Delhi Police (@DelhiPolice) November 24, 2022
یہ واقعہ شہباز ڈیری پولیس اسٹیشن کی حدود میں پیش آیا، جب چھینا جھپٹی کرنے والا لٹیرا اپنی بائیک پر فرار ہو رہا تھا، تو سامنے سے آنے والے کانسٹیبل ستیندر نے اچانک اس پر جھپٹا مار کر گرا دیا، خود کانسٹیبل کی موٹر سائیکل بھی سڑک پر گر گئی تھی۔
یہ ویڈیو سوشل میڈیا پر تیزی سے وائرل ہو گئی ہے، اس ویڈیو کو اب تک ایک لاکھ 35 ہزار مرتبہ دیکھا جا چکا ہے، اور 9 ہزار کے قریب لائکس ملے ہیں۔
