دہلی: بھارتی پولیس نے زندگی سے مایوس شہری کی پل سے کود کر خود کشی کی کوشش ناکام بنا دی۔
غیرملکی خبررساں ادارے کی رپورٹ کے مطابق یہ دل خراش واقعہ بھارتی ریاست اترکھنڈ میں پیش آیا جہاں 42 سالہ شخص بلند وبالا پل سے چھلانگ لگا کر اپنی جان گوانا چاہتا تھا۔
پولیس کا کہنا تھا کہ وہ شہری انڈریو گنج نامی پل پر کھڑا ہوکر بلند آواز میں کہہ تھا کہ وہ زندگی سے مایوس ہوچکا ہے اور اب اسے اس دنیا میں نہیں رہنا اسی لیے وہ مرنا چاہتا ہے۔ گشت پر مامور اہلکاروں کی کوششوں کے باعث معجزانہ طور پر مذکورہ شخص کو نئی زندگی مل گئی۔
اس حوالے سے پولیس حکام نے مزید بتایا کہ انہیں ایک فون کال موصول ہوئی جس میں اطلاع دی گئی کہ فلاح شخص پل کی گرل کے ساتھ کھڑا ہے اور کسی بھی وقت اپنی جان دے دے گا۔
اطلاع ملتے ہی پولیس نے فوراً ایکشن لیا اور گشت کرنے والے اہلکاروں کو جائے وقوع پر بھیجا گیا۔ پولیس ٹیم نے پہلے پل کے نیچے ایک جال لگایا تاکہ کودنے کی صورت میں اس کی زندگی محفوظ رہے جبکہ دوسری جانب اہلکاروں نے پل پر مذکورہ شخص سے بات چیت کرنے کی کوشش کی تاکہ اس کا مسئلہ سن کر حل کیا جاسکے۔
آپس میں گفتگو چل ہی رہی تھی کہ اچانک اہلکاروں نے شہری کو دبوچ لیا اور اس طرح اس کی جان بچ گئی۔
