منگل, جون 18, 2024
اشتہار

ڈیلیوری رائیڈر 2 ہزار روپے ٹپ لے کر بھی ناراض

اشتہار

حیرت انگیز

کسی کو سروس فراہم کرنے کے لیے ٹپ دینا ان کی حوصلہ افزائی کرنا اور بہترین کام کے لیے شکریے کا اظہار ہے، تاہم یہ ادائیگی کا لازمی حصہ نہیں ہے۔

امریکا میں البتہ ٹپ کلچر خاصی اہمیت رکھتا ہے اور ہر جگہ ہی ٹپ دینا معمول ہے، تاہم ایسے واقعات بھی پیش آتے ہیں جب ملازمین کم ٹپ دینے پر باقاعدہ ناراضگی کا اظہار کرتے ہیں۔

امریکی شہر نیویارک میں ایسا ہی ایک واقعہ پیش آیا جب کھانے کی ڈلیوری کرنے والی خاتون اچھی خاصی ٹپ کو کم قرار دے کر آرڈر کیا ہوا کھانا واپس لے کر چلی گئیں اور کسٹمر ہکا بکا رہ گیا۔

- Advertisement -

ویڈیو میں، جو اب سوشل میڈیا پر وائرل ہوچکی ہے، دیکھا جاسکتا ہے کہ ڈور ڈیش نامی فوڈ سروس کمپنی کی خاتون رائیڈر کھانے کی ڈلیوری دینے پہنچیں۔

گھر کے مالک نے انہیں کھانا دروازے پر رکھ کر جانے کا کہا لیکن خاتون نے سیکیورٹی کیمرے کے ذریعے انہیں کہا کہ وہ ان سے کچھ بات کرنا چاہتی ہیں۔

مالک نے پوچھا کہ وہ کیا چاہتی ہیں جس پر خاتون رائیڈر نے کہا کہ انہیں یہاں تک آنے میں 40 منٹس لگے ہیں، شاید آپ کو اس فاصلے اور محنت کا اندازہ نہیں اور آپ نے جو دیا ہے وہ بہت کم ہے۔

مالک کے دریافت کرنے پر انہوں نے نے مزید کہا کہ انہیں 8 ڈالرز (22 سو پاکستانی روپے) کی ٹپ دی گئی ہے جو ان کی محنت کے لیے ناکافی ہے۔

مالک نے رکھائی سے جواب دیا کہ انہیں مزید کیا چاہیئے جس پر خاتون نے کہا کہ وہ کھانا واپس لے کر جارہی ہیں اور اس کے بعد جواب کا انتظار کیے بغیر وہ کھانا اٹھا کر واپس چلی گئیں۔

گاہک ان کی اس حرکت پر ہکا بکا رہ گیا، ویڈیو میں ان کی اور ایک خاتون کی حیرت زدہ بات چیت سنائی دیتی ہیں۔

سوشل میڈیا پر لوگوں نے مکمل طور پر اس گاہک کی حمایت کی۔

لوگوں کا کہنا تھا کہ 8 ڈالر اچھی خاصی ٹپ ہے، اگر رائیڈر کو زیادہ ہی رقم کی ضرورت تھی تو انہیں ٹپ پر انحصار کرنے کے بجائے کوئی دوسرا کام کرنا چاہیئے۔

ایک اور صارف نے کہا کہ رائیڈر کو پتہ نہیں کہ کمپنی گاہک سے معذرت کرے گی، اس کی پوری رقم اور ٹپ واپس کرے گی اور ہوسکتا ہے ہرجانے کے طور پر اسے اضافی رقم یا اس کی پسند کا کھانا بھی بھجوا دے۔

ایک اور صارف نے کہا کہ مجھے ایسے سرپھرے رائیڈرز اور ملازمین کی برطرفی کی خبریں سن کر بے حد خوشی ہوتی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں