The news is by your side.

Advertisement

ڈلیوری رائیڈر دھماکے کی زد میں آگئی، ویڈیو وائرل

بنکاک: شمالی تھائی لینڈ میں کھانا ڈلیور کرنے والی خاتون رائیڈر دھماکے کی زد میں آگئی، دھماکے کی ویڈیو سوشل میڈیا پر وائرل ہوگئی۔

تفصیلات کے مطابق تھالی لینڈ کے شمالی علاقے لیمپینگ میں ڈلیوری رائیڈر کھانا ڈلیور کرنے کے لیے موٹرسائیکل پر جا رہی تھیں کہ اچانک سڑک پر موجود مین ہول میں دھماکہ ہوا جس کی زد میں آکر خاتون زخمی ہوگئی۔

سوشل میڈیا پر وائرل ہونے والی ویڈیو میں دیکھا جا سکتا ہے کہ موٹرسائیکل سوار افراد مصروف سڑک پر سے گزر رہے ہیں کہ اچانک زور دار دھماکہ ہوا۔ دھماکے کے نتیجے میں خاتون رائیڈر زخمی ہوئیں جنہیں طبی امداد کے لیے اسپتال منتقل کر دیا گیا۔

تھائی پولیس کے میجر جنرل انوچا اومچارون نے کہا کہ ابتدائی تفتیش کے مطابق یہ گیس کا دھماکہ تھا جو گٹر کے اندر دباؤ کی وجہ سے ہوا تھا۔ انہوں نے کہا کہ واقعے کے ذمہ داران کی نشاندہی کر لی گئی ہے۔

گٹرلائن سے دنیا کا تیسرا بڑا کوبرا سانپ برآمد

یاد رہے کہ رواں سال اکتوبر میں جنوبی تھائی لینڈ کے رہائشی علاقے کی گٹر لائن سے 13 فٹ لمبا زہریلا کوبرا سانپ برآمد ہوا تھا، ریسکیو اہلکاروں نے ایک گھنٹے کی مشقت کے بعد سانپ کو پکڑا۔

ریسکیو حکام کے مطابق پکڑے جانے والے کوبرا سانپ کی لمبائی 13 فٹ جبکہ وزن 15 کلو ہے۔ یہ اب تک پکڑے جانے والے طویل ترین کوبرا سانپوں میں تیسرے نمبر پر ہے جسے طبی امداد کے بعد جنگل میں چھوڑ دیا گیا تھا۔

Comments

یہ بھی پڑھیں