کراچی: وائس چیئرمین پاکستان بار کونسل امجدساقی نے نبیل گبول کے خلاف کارروائی کا مطالبہ کر دیا۔
پاکستان بار کونسل نے سینئر وکیل لطیف کھوسہ کے دفتر پر حملےکی مذمت کرتے ہوئے کہا کہ نبیل گبول اوران کےساتھیوں نےلطیف کھوسہ کے کراچی آفس پر حملہ کیا۔
بار کونسل کی جانب سے جاری اعلامیہ میں کہا گیا ہے کہ نبیل گبول جیسےسینئرسیاستدان کی جانب سے ایسا عمل قابل افسوس ہے، حکومت سندھ و دیگر قانون نافذ کرنے والے ادارے واقعے کا نوٹس لیں۔
یہ بھی پڑھیں: پیپلزپارٹی رہنما نبیل گبول کے خلاف اقدام قتل کا مقدمہ درج
وائس چیئرمین پاکستان بار کونسل امجدساقی نے نبیل گبول کے خلاف کارروائی کا مطالبہ کرتے ہوئے کہا ہے کہ نبیل گبول کےعمل سے ملازمین کو خطرات لاحق ہوئے، ان کے خلاف کارروائی کی جائے۔
واضح ہے کہ گزشتہ روز پیپلزپارٹی کے سینئر رہنما نبیل گبول کے خلاف غلام شبیر نامی شخص کی مدعیت میں اقدام قتل کی دفعات کے تحت مقدمہ ڈیفنس تھانے میں درج کیا گیا تھا۔
مدعی غلام شبیر نے الزام عائد کہا کہ نبیل گبول نے ساتھیوں کے ہمراہ میرے دفتر پر فائرنگ کی، میرا دفتر ڈیفنس فیز 2 میں ہے۔
