The news is by your side.

کراچی میں ڈینگی کی خطرناک صورتحال، اسپتالوں کے آئی سی یو اور ایمرجنسی میں جگہ ختم

کراچی : شہر قائد میں ڈینگی خطرناک صورتحال اختیار کرنے لگا ، نجی اسپتال کے آئی سی یو اور ایمرجنسی میں جگہ ختم ہوگئی۔

تفصیلات کے مطابق کراچی میں 15 اگست کے بعد سے ڈینگی کیسزمیں اضافہ ریکارڈ کیا گیا، ماہرخون ومتعددی امراض کا کہنا ہے کہ شہرکے نجی اسپتال کےآئی سی یو اور ایمرجنسی میں جگہ نہیں ہے۔

ماہرین نے بتایا کہ حاملہ خواتین کی حالت کافی تشویشناک ہے، ان کے پلیٹ لیٹس 18ہزارسےبھی نیچے جارہے ہیں ،شہری بڑی تعداد میں خون کے عطیات دیں ، ڈاکٹر ثاقب انصاری

ڈاکٹر ثاقب انصاری نے کہا کہ شہری حکومت فوری شہرمیں مچھر ماراسپرے مہم کا آغاز کرے ،بخار ہونے کی صورت میں فوری ٹیسٹ کروائیں۔

ماہرین صحت کا مزید کہنا تھا کہ مریض کو پانی اورجوسز کا استعمال زیادہ کروائیں ، پپیتے کے پتوں سے ڈینگی کا علاج ممکن نہیں ہے۔

Comments

یہ بھی پڑھیں