The news is by your side.

Advertisement

کراچی میں ڈینگی وائرس کے سرکاری اور غیرسرکاری اعدادو شمار میں زمین آسمان کا فرق

کراچی : شہر قائد میں روزانہ سینکڑوں افراد ڈینگی کا شکار ہونے لگے تاہم اس بگڑتی صورتحال کے باوجود شہر میں اسپرے کی مہم شروع نہ کی جا سکی۔

تفصیلات کے مطابق کراچی میں ڈینگی وائرس نے سر اٹھالیا لیکن سرکاری اور غیرسرکاری اعدادو شمار میں زمین آسمان کا فرق دیکھا جارہا ہے۔

سرکاری اعداد و شمار میں بتایا گیا ہے کہ گزشتہ چوبیس گھنٹے کے دوران تیس سے زائد افراد ڈینگی سے متاثر ہوئے لیکن غیرسرکاری اعدادو شمارخطرناک صورتحال پیش کررہے ہیں۔

غیرسرکاری اعدادو شمار کے مطابق روزانہ سینکڑوں مریض ڈینگی کا شکار ہورہے ہیں تاہم اس بگڑتی صورتحال کے باوجود شہر میں اسپرے کی مہم شروع نہیں کی گئی جبکہ شہر میں صفائی ستھرائی کے نظام پر تو پہلے ہی سوال اٹھتے آرہے ہیں۔

دوسری جانب لاہور سمیت پنجاب بھرمیں ڈینگی کےمریضوں میں خطرناک حد تک اضافہ ہوگیا ، تمام اسپتال ڈینگی کے مریضوں سے بھرے پڑے ہیں۔

اسلام آباد میں ڈینگی کے مسلسل وار جاری ہے ، چوبیس گھنٹے میں مزید ایک سو سات افراد ڈینگی سے متاثر ہوئے ، جن میں دیہی علاقوں سے تریپن شہری علاقوں سے چون مریض سامنے آئے۔

اسلام آباد میں رواں سیزن میں 2337 ڈینگی کیسز سامنے آ چکے ہیں ، جن میں دیہی علاقوں میں 1441، اربن سے 896 ڈینگی کیسز شامل ہیں جبکہ رواں سیزن میں ڈینگی سے 9 اموات ہو چکی ہیں۔

اسلام آباد کے چار سرکاری اسپتالوں میں ڈینگی آئیسولیشن وارڈز قائم پمز، پولی کلینک، ایف جی ایچ، سی ڈی اے میں ڈینگی کیلئے 240 بیڈز مختص کئے گئے ہیں۔

لاہور سمیت پنجاب بھرمیں ڈینگی کےمریضوں میں خطرناک حد تک اضافہ ہوگیا ، تمام اسپتال ڈینگی کے مریضوں سے بھرے پڑے ہیں۔

Comments

یہ بھی پڑھیں