The news is by your side.

کراچی میں ڈینگی کی تشویشناک صورتحال ، اسپتال بھر گئے ، جگہ ختم

کراچی : شہر قائد میں ڈینگی کی صورتحال تشویشناک ہونے لگی ، شہر کے بیشتر نجی اسپتالوں میں مریضوں کیلئے بیڈ دستیاب نہیں۔

تفصیلات کے مطابق کراچی میں ڈینگی کیسز رپورٹ ہونے کا سلسلہ خطرناک حد تک جاری ہے، مریضوں کیلئے پلیٹلیٹس کی کمی کا سامنا ہے۔

ذرائع نے بتایا کہ شہرکے بیشتر نجی اسپتالوں میں مریضوں کیلئے بیڈ دستیاب نہیں ، ڈینگی مریضوں کا ایمرجنسی میں معائنہ کرکےعلاج کیا جارہا ہے۔

ڈینگی کی خطرناک صورتحال کے باوجود شہر کے کسی بھی علاقے میں اسپرے مہم شروع نہ کی جاسکی اور نہ ہی بروقت زیر علاج مریضوں سے متعلق معلومات فراہم کی جارہی۔

توجہ دینے کیلئے شہری اداروں کو متحرک نہ کرسکا اور نا ہی بروقت زیر علاج مریضوں سے متعلق معلومات فراہم کی جاتی ہے

سول اسپتال کراچی میں یکم ستمبر سے اب تک 1859مشتبہ کیسز رپورٹ ہوئے، جس میں سے 672 مریضوں میں ڈینگی پازیٹیو کی تصدیق ہوئی ہے۔

ڈینگی کیسز کے متعلق محکمہ صحت کی جانب سے فراہم کردہ ڈیٹا میں شہر کے متعدد نجی اسپتالوں میں رپورٹ ہونے والے مریضوں کے اعداد و شمار شامل نہیں ہیں۔

یومیہ 60 سے 70 فیصد مریضوں کے ڈینگی کیسز شہر کی نجی لیبارٹریز میں بھی کئے جارہے ہیں۔

Comments

یہ بھی پڑھیں