کراچی: ڈینگی اور دیگرامراض سے شہریوں کے بچاؤ کیلئے اہم فیصلہ کرتے ہوئے صوبائی حکومت نے فیومیگیشن مہم کا اعلان کیا ہے۔
چیف سیکریٹری سندھ آصف حیدر شاہ کی زیرصدارت اجلاس ہوا، جس میں کمشنر کراچی، سیکریٹری بلدیات، تمام ڈپٹی کمشنرز اور میونسپل کمشنر سمیت دیگر شریک ہوئے، اجلاس میں فیصلہ کیا گیا کہ کراچی کی 25 ٹاؤن میونسپل کارپوریشن میں فیومیگیشن مہم چلائی جائےگی۔
چیف سیکریٹری سندھ نے کہا کہ ڈینگی لاروا تلف کرنے کیلئے اسپرے اور فیومیگیشن مہم شروع کی جائے، صدر، لیاری، گلشن اقبال اور سہراب گوٹھ میں فیومیگیشن مہم چلائی جائے گی۔
انھوں نے کہا کہ صفورا، چنیسر اور مومن آباد ٹائون میونسپل کارپوریشن میں مہم چلائی جائے گی، ٹی ایم سی منگھوپیر، اورنگی، شاہ فیصل اور کورنگی میں بھی مہم کا آغاز ہوگا۔
آصف حیدر کا کہنا تھا کہ ماڈل کالونی، لانڈھی، بلدیہ، ماری پورٹاؤن میونسپل کارپوریشن میں فیومیگیشن کا عمل انجام دیا جائے گا۔
اس کے علاوہ گلبرگ، نیوکراچی، نارتھ ناظم آباد، لیاقت آباد، ناظم آباد، گڈاپ، ملیر اور ابراہیم حیدری میں بھی فیومیگیشن مہم چلائی جائے گی۔
