اسلام آباد : وفاقی دارالحکومت اسلام آباد میں ڈینگی وائرس شدت اختیار کرنے لگا ہے، اسلام آباد کے اسپتالوں میں خصوصی بیڈ لگا دیے گئے۔
لاہور کے بعد شہر اقتدار میں بھی ڈینگی وائرس تیزی سے اپنے پنجے گاڑھ رہا ہے۔ گزشتہ 24 گھنٹوں میں وفاقی دارالحکومت میں 113 شہری ڈینگی سے متاثر ہوئے شہری علاقوں کی نسبت دیہی علاقوں میں مریضوں کی تعداد زیادہ ہے۔
اس حوالے سے ڈسٹرکٹ ہیلتھ آفس ذرآئع کے مطابق اسلام آباد میں 24 گھنٹے کے دوران 113 ڈینگی کیسز سامنے آگئے، رورل ایریاسے78،اربن ایریا سے35 ڈینگی کیسز رپورٹ ہوئے۔
- Advertisement -
ذرائع کے مطابق رواں سیزن میں اب تک 1342 ڈینگی کیسز سامنے آچکے ہیں جبکہ اسلام آباد میں رواں سیزن میں اب تک ڈینگی سے5افراد کا انتقال ہوچکا ہے۔
