یورو کپ میں ڈنمارک اور فن لینڈ کے میچ کے دوران افسوسناک واقعہ رونما ہوا ہے۔
غیر ملکی میڈیا رپورٹس کے مطابق ڈنمارک اور فن لینڈ کے میچ کے دوران ڈنمارک کا فٹبالر میچ کے دوران بے ہوش ہو کر گر پڑا، ڈنمارک کے مڈ فیلڈر کرسچین ارکسن کے بے ہوش ہونے پر میچ روک دیا گیا ہے۔
سوشل میڈیا پرگردش کردہ ویڈیو میں دیکھا جا سکتا ہے کہ گراؤنڈ میں موجود طبی عملہ کرسچین ارکسن کو اسٹیچر پر اٹھا کر گراونڈ سے باہر لے جاتے ہیں۔
https://youtu.be/07CtiqK_FLI
بعد ازاں طبی امداد کے لیے ارکسن کو فوری طور پر اسپتال منتقل کیا گیا۔
دوسری جانب سوشل میڈیا پر دنیا بھر کے فٹ بالرز اور مداح کرسچین ارکسن کی جلد صحت یابی کے لیے دعائیں اور نیک تمناوں کا اظہار کر رہے ہیں۔
پرتگال کے لیجنڈری فٹ بالر کرسٹیانو رونالڈو نے اپنے پیغام میں کہا ہے کہ میری تمام دعائیں ارکسن اور اس کے خاندان کے ساتھ ہیں، انہوں نے کہا کہ میں پرامید ہوں کہ ارکسن جلد فٹ بال کے میدان میں ہوں گے۔
Following the medical emergency involving Denmark’s player Christian Eriksen, a crisis meeting has taken place with both teams and match officials and further information will be communicated at 19:45 CET.
The player has been transferred to the hospital and has been stabilised.
— UEFA (@UEFA) June 12, 2021
