ابوطہبی : مسلم لیگ ن کی سینئر نائب صدر مریم نواز کو وطن واپس لانے والے طیارے میڈیکل ایمرجنسی ہوگئی ، جس کے باعث پرواز کی روانگی میں تاخیر ہوئی۔
تفصیلات کے مطابق مسلم لیگ ن کی سینئر نائب صدر مریم نواز کو وطن واپس لانے والے طیارے میں میڈیکل ایمرجنسی ہوگئی۔
طیارے میں موجود محمد ہارون نامی مسافرکو دل میں تکلیف ہوئی ، جس پر میڈیکل عملے نے مسافر کا معائنہ کیا۔
ایئرپورٹ حکام نے بتایا کہ جہاز روانگی میں کم از کم ایک گھنٹےتاخیر ہوگی۔
اس حوالے سے مسلم لیگ ن کی ترجمان مریم اورنگزیب نے بتایا کہ مریم نواز کو وطن واپس لانے والے طیارے کی روانگی میں تاخیر ہوئی، پروازمیں موجودایک ن لیگی کارکن کی طبعیت اچانک خراب ہوئی، متاثرہ کارکن کوفوری طبی امداد کےلئےبھجوا دیا گیا ہے،
مریم اورنگزیب کا کہنا تھا کہ اب پرواز اڑان بھرنے کیلئے تیار ہے، انشاءاللہ، چند گھنٹوں بعد مریم نواز لاہور میں ہوں گی۔
مریم نواز کو وطن واپس لانے والے طیارے کی روانگی میں تاخیر کی وجہ اس میں سوار مسلم لیگ (ن) کے ایک کارکن کی طبعیت کی اچانک خرابی تھی جسے فوری طبی امداد کےلئےبھجوا دیا گیا ہے۔ اب پرواز اڑان بھرنے کو تیار ہے۔ ان شاءاللہ، آپ سب کی دعاؤں میں چند گھنٹوں بعد مریم نواز لاہور میں ہوں گی
— Marriyum Aurangzeb (@Marriyum_A) January 28, 2023
