کراچی : ڈپٹی کمشنر کورنگی نے کورونا کی چوتھی خطرناک لہر کے باعث مائیکرو اسمارٹ لاک ڈاوٴن لگانے کا نوٹیفکیشن جاری کردیا۔
تفصیلات کے مطابق کورونا وائرس چوتھی خطرناک لہر کے باعث ڈپٹی کمشنر کورنگی نے مائیکرو اسمارٹ لاک ڈاوٴن لگانے کا نوٹیفکیشن جاری کردیا۔
نوٹیفکیشن میں کہا گیا کہ ڈسٹرکٹ کورنگی کے دو سب ڈویڑن کے پانچ یونین کونسل میں مائیکرواسمارٹ لاک ڈاوٴن نافذ کیا جائے گا ، لاک ڈاوٴن ہاٹ اسپاٹ علاقوں میں ڈسٹرکٹ ہیلتھ آفیسر کی رپورٹ کے مطابق لگایا گیا۔
ہاٹ اسپاٹ علاقوں میں کورنگی سب ڈویڑن کے تین یونین کونسل کورنگی زمان ٹاوٴن یونین کونسل 8 ، بھٹاء کالونی یو نین کونسل 10 اور ناصر کالونی یونین کونسل 2 کے مختلف علاقے سمیت ماڈل کالونی سب ڈویڑن کے دو یونین کونسل سعود آباد یونین کونسل 3 اور ماڈل کالونی یونین کونسل 1 شامل ہے۔
نوٹیفکیشن کے مطابق مائیکرو اسمارٹ لاک ڈاوٴن والے ایریاز میں کسی بھی قسم کی اجتماعات اور تقریبات پر مکمل پابندی ہوگی جبکہ ہاٹ اسپاٹ ایریاز میں ایس او پیز پر سختی عملدرآمد کروایا جائے گا۔
نوٹیفکیشن میں مائیکرو اسمارٹ لاک ڈاوٴن والے ایریاز میں ماسک کا استعمال لازمی قرار دیا ہے ، ان یونین کونسل مائیکرو اسمارٹ لاک ڈاوٴن 13 جولائی سے 26 جولائی کی شام تک نافذالعمل رہے گا۔
