کوئٹہ: نامعلوم مسلح افراد نے فائرنگ کرکے سوئی سدرن گیس کمپنی کے ڈپٹی منیجر منیراحمد لہڑی کو قتل کردیا تاہم قتل کی وجہ معلوم نہ ہوسکی۔
تفصیلات کے مطابق صوبائی دارلحکومت کوئٹہ میں نامعلوم مسلح افراد کی جانب سے گاڑی پر فائرنگ کی گئی ، فائرنگ کے نتیجے میں سوئی سدرن گیس کمپنی کے ڈپٹی مینیجر منیر احمد لہڑی جاں بحق ہوگئے۔
واقعہ صبح نو بجے منوجان روڈ ہدہ پر پیش آیا، پولیس نے بتایا کہ منیراحمد لہڑی بچوں کو اسکول چھوڑکرگھر واپس جا رہے تھےکہ نامعلوم مسلح افراد نے ان کی گاڑی پر گولیاں برسا دیں، جس میں وہ موقع پر ہی دم توڑ گئے۔
واقعہ کے بعد پولیس نے موقع پر پہنچ کر لاش کوپوسٹ مارٹم کیلئے سول اسپتال منتقل کر دیا ، تاہم قتل کی وجہ معلوم نہ ہوسکی۔
پولیس کا کہنا ہے کہ ملزمان فرارہونے میں کامیاب ہوگئے تاہم قتل کی وجہ معلوم نہ ہوسکی، لاش کو پوسٹ مارٹم کیلئے سول اسپتال منتقل کردیا
پولیس کے مطابق فائرنگ کے بعد ملزمان فرار ہونے میں کامیاب ہو گئے ، جن کی تلاش جاری ہے۔
