بانی پی ٹی ائی کی اڈیالہ جیل میں سہولت کاری کے معاملے پر گرفتار ہونے والے سابق ڈپٹی سپرنٹنڈنٹ ظفر اقبال گھر پہنچ گئے۔
تفصیلات کے مطابق بانی پی ٹی آئی عمران خان کیلئے پیغام رسانی اور سہولت کار ی کے الزام میں 13 اگست کو اڈیالہ جیل کے سابق ڈپٹی سپرنٹنڈنٹ سمیت 3 افراد کو حراست میں لے لیا گیا تھا تاہم اب ظفر اقبال گھر پہنچ گئے ہیں۔
بانی پی ٹی آئی کے لیے سہولت کاری کا الزام، سابق ڈپٹی سپرنٹنڈنٹ اڈیالہ جیل کا نیٹ ورک بے نقاب
ذرائع نے بتایا کہ ظفر اقبال گزشتہ رات اڈیالہ جیل کے قریب اپنی رہائش گاہ پہنچے، ظفر اقبال کے گھر پہنچنے پر لاپتہ اسسٹنٹ ناظم شاہ کی فیملی نے بھی ملاقات کی، ظفر اقبال نے فیملی سے ملاقات میں ناظم شاہ کے بارے لاعلمی کا اظہار کیا۔
واضح رہے کہ بانی پی ٹی آئی کے لیے سہولت کاری پر سابق ڈپٹی سپرنٹنڈنٹ اڈیالہ جیل محمد اکرم کا پورا نیٹ ورک پکڑا گیا تھا، جس میں اڈیالہ جیل کے اسسٹنٹ ناظم، سابق ڈپٹی سپرنٹنڈنٹ ظفر بھی شامل تھے۔
