ڈیرہ اسماعیل خان : سی ٹی ڈی پولیس نے ڈیرہ اسماعیل خان میں دہشت گردی کا بڑا منصوبہ ناکام بنا دیا، کالعدم تنظیم کے سات دہشت گرد بھاری اسلحہ اور دھماکہ خیز مواد سمیت گرفتار کرلیے گئے۔
تفصیلات کے مطابق کاؤنٹر ٹیررازم ڈپارٹمنٹ (سی ٹی ڈی) پولیس نے بروقت کارروائی کرکے ڈیرہ اسماعیل خان کو بڑی تباہی سے بچا لیا۔
سی ٹی ڈی نے خفیہ اطلاع ملنے پر علاقہ غلام فرید جھوک ندو والی سے سات دہشت گردوں حسنین معاویہ ولد قاری امان اللہ سکنہ ملانہ، ابوبکر ولد ثناء اللہ سکنہ ملانہ، محمد طاہر ولد محمد حسن سکنہ ملانہ، محمد جنید ولد عصمت اللہ سکنہ ملانہ، محمد شعیب ولد اللہ وسایہ سکنہ ملانہ، محمد کلیم ولد اسماعیل سکنہ ملانہ اور محمد اجمل ولد قاری محمد یاسین سکنہ بستی دریا والی ملانہ کو گرفتارکرلیا۔
ملزمان کے قبضے سے بارود بمعہ بالٹی5کلو گرام، نٹ بولٹ اور چھرے ایک کلو گرام، موٹرسائیکل بیٹری ایک عدد، سیفٹی فیوز دوفٹ ایک عدد، پرائما کارڈ وائر تین فٹ، ڈیٹونیٹر ایک عدد اور تیس بور پسٹل بمعہ میگزین دو برآمد کر لیں۔
مزید پڑھیں: ڈی آئی خان میں چیک پوسٹ پرحملہ ناکام ‘ 3 دہشتگرد ہلاک
سی ٹی ڈی ذرائع کے مطابق ابتدائی تفتیش سے پتہ چلا کہ ہے کہ دہشت گردوں کا تعلق ایک کالعدم تنظیم سے ہے، ملزمان ڈی آئی خان میں دہشت گردی کا بڑا منصوبہ بنا رہے تھے کہ دھر لیے گئے۔
گرفتار دہشت گردوں سے تفتیش جاری ہے جس میں مزید انکشافات متوقع ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
