اسلام آباد : پاکستان کے آئی ایم ایف سے معاہدے کے باوجود ریٹنگ ایجنسی فچ نے خدشات کا اظہار کرتے ہوئے کہا پاکستان کے قرضے ملکی زرمبادلہ ذخائر سے 7 گنا زیادہ ہیں۔
تفصیلات کے مطابق پاکستان کے آئی ایم ایف سے معاہدے کے باوجود دوسری بڑی معاشی ریٹنگ ایجنسی فچ نے خدشات کا اظہار کردیا۔
ڈائریکٹرفچ ایشیا پیسیفک نے کہا پاکستان کو پچیس ارب ڈالر کی ادائیگیاں کرنی ہیں، جوپاکستان کے زرمبادلہ کے زخائرسےسات گنا زیادہ رقم ہے۔
ان کا کہنا تھا کہ اس پروگرام کی آئی ایم ایف کے ایگزیکٹیو بورڈ سے منظوری بھی ہونا ہے، پاکستان کو قرض کی ادائیگی اور معاشی بحالی کے لیے اس سے زیادہ رقم کی ضرورت ہوگی۔
یاد رہے عالمی ریٹنگ ایجنسی موڈیز نے پاکستان کے آئی ایم ایف سے معاہدے پر اپنے بیان میں کہا تھا کہ آئی ایم ایف معاہدہ معیشت کو استحکام دے گا تاہم لہٰذا پاکستان کو طول المدتی استحکام کے لیے اصلاحات لانا ہوں گی، پاکستان کو اپنی آمدنی بڑھانا ہوگی ،ٹیکس اصلاحات لانے کی بھی ضرورت ہے۔
موڈیز کا کہنا تھا کہ قلیل مدت میں معاشی سرگرمیاں متاثر رہیں گے جبکہ بلند شرح سود اور مہنگائی حکومتی اخراجات اور کاروباری سرمایہ کاری پر اثرانداز رہے گی تاہم اسٹینڈ بائی معاہدے سے حکومت کی مالی گنجائش معمولی بہتر ہوگی۔
