اسرائیل نے تہران پر تازہ حملوں میں ملک کے داخلی سیکورٹی کے ہیڈکوارٹر کو تباہ کرنے کا دعویٰ کیا ہے۔
اسرائیلی وزیر دفاع کیٹز نے کہا ہے کہ جنگی طیاروں نے ایرانی حکومت کے اندرونی سیکورٹی ہیڈکوارٹر کو نشانہ بنایا ہے جس میں ادارے کو تباہ کر دیا گیا ہے جب کہ تہران کے گرد فوجی ٹھکانوں پر فضائی حملےجاری ہیں۔
وزیر دفاع نے کہا کہ جیسا کہ ہم نے وعدہ کیا تھا ہم [ایران کی] حکمرانی کی علامتوں کو نشانہ بناتے رہیں گے۔
ایرانی میڈیا کے مطابق اسرائیل کی جانب سے تازہ حملوں میں دارالحکومت تہران کے مختلف علاقوں میں دھماکے سنائی دے رہے ہیں۔
اسرائیلی فوج نے ایکس پر جاری بیان میں کہا ہے کہ تازہ حملوں میں ایرانی عسکری تنصیبات کو نشانہ بنایا جا رہا ہے۔
جمعہ سے ایران پر حملوں کے آغاز سے اب تک گیارہ سو ہدف کو نشانہ بنانے کا دعویٰ کیا گیا ہے جب کہ ایران نے بھی بھرپور جوابی کارروائی کرتے ہوئے تل ابیب سمیت مختلف شہروں پر 400 سے زائد میزائل داغے ہیں۔
