The news is by your side.

Advertisement

سینیٹ سے ریٹائر ہونے والے اراکین کی مکمل تفصیلات

اسلام آباد: سینیٹ آف پاکستان سے 52 اراکین ریٹائر ہو رہے ہیں، جن میں ن لیگ کے 17، پیپلز پارٹی کے 8، پی ٹی آئی کے 7، ایم کیو ایم کے 4 ارکان شامل ہیں۔

اے آر وائی نیوز رپورٹ کے مطابق سینیٹ سے ریٹائر ہونے والوں میں 4 آزاد اور بلوچستان عوامی پارٹی کے 3 ارکان، جے یو آئی، نیشنل پارٹی، پی میپ کے 2،2 اراکین، بی این پی مینگل، جماعت اسلامی، اے این پی کا 1،1 سینیٹر شامل ہیں۔

ن لیگ کے ریٹائرڈ ہونے والے 17 سینٹرز میں سے 11 پنجاب سے ہیں، اسلام آباد، بلوچستان، کے پی سے 2،2 سینیٹر ریٹائر ہو رہے ہیں۔

ن لیگ کے ریٹائر ہونے والے سینیٹرز میں راجہ ظفر الحق، پرویز رشید، یعقوب خان ناصر، راحیلہ مگسی، آغا شاہ زیب درانی، عائشہ رضا فاروق، چوہدری تنویر، اسد اشرف، غوث نیازی، صلاح الدین ترمزی، عبدالقیوم، جاوید عباسی، نجمہ حمید، پروفیسر ساجد میر، سلیم ضیا شامل ہیں۔

پاکستان پیپلز پارٹی کے ریٹائر ہونے والے 7 سینیٹرز میں فاروق ایچ نائیک، رحمان ملک، گیان چند، اسلام الدین شیخ، سلیم مانڈوی والا، سسی پلیجو، شیری رحمان شامل ہیں۔

پی ٹی آئی کے ریٹائر ہونے والے تمام سینیٹرز کا تعلق خیبر پختون خوا سے ہے، جن میں شبلی فراز، لیاقت ترکئی، محسن عزیز، نعمان وزیر، ثمینہ سعید، کینتھ ولیمز، ذیشان خان زادہ شامل ہیں۔

ایم کیو ایم کے عتیق شیخ، خوش بخت شجاعت، محمد علی سیف اور نگہت مرزا ریٹائر ہو رہے ہیں، جے یو آئی کے عطا الرحمان، عبدالغفور حیدری، بی اے پی کے خالد بزنجو، سرفراز بگٹی اور منظور کاکڑ، پختونخواہ ملی عوامی پارٹی کے عثمان خان کاکڑ، گل بشریٰ ریٹائر ہو رہے ہیں۔

بی این پی مینگل کے جہانزیب جمال دینی، نیشنل پارٹی کے میر کبیر محمد شاہی اور اشوک کمار، جماعت اسلامی کے سراج الحق، اے این پی کی ستارہ ایاز، فاٹا سے اورنگزیب اورکزئی، مومن آفریدی، سجاد طوری، تاج آفریدی بھی سینیٹ سے ریٹائر ہو رہے ہیں۔

خیال رہے کہ سینیٹ میں ن لیگی اراکین کی تعداد 30 ہے، پیپلز پارٹی اراکین کی تعداد 21، پی ٹی آئی اراکین کی تعداد 14، بی اے پی کے 9 اور آزاد اراکین کی تعداد 7 ہے۔ ایم کیو ایم پاکستان کے 5 ارکان ہیں، جے یو آئی، این پی، پختونخواہ ملی عوامی پارٹی کے 4،4 ارکان، جماعت اسلامی کے اراکین کی تعداد 2، اور اے این پی، بی این پی مینگل، فنکشنل لیگ کا ایک ایک رکن ہے۔

Comments

یہ بھی پڑھیں