کراچی : پیپلزپارٹی نے لیاری میں جاری ترقیاتی منصوبوں کی تکمیل تیز کردی، ترجمان سندھ حکومت بیرسٹر مرتضیٰ وہاب کا کہنا ہے کہ سڑکوں کی تعمیر و مرمت کے7منصوبے مکمل کرلئے گئے۔
تفصیلات کے مطابق بلدیاتی کے قریب آتے ہی سندھ کی سیاسی جماعتیں اپنے ووٹرز کی توجہ حاصل
کرنے کیلئے سماجی خدمات میں مصروف ہوگئیں۔
اس سلسلے میں پیپلزپارٹی نے بھی شہر میں جاری منصوبوں کی تعمیر کا کام تیز کردیا، اس حوالے سے ترجمان سندھ حکومت بیرسٹرمرتضیٰ وہاب نے میڈیا سے گفتگو کرتے ہوئے کہا کہ لیاری میں سڑکوں کی تعمیر و مرمت کے7منصوبے مکمل کرلئے گئے۔
رواں ماہ لیاری میں سڑکوں کی تعمیر کے مزید منصوبوں کا افتتاح کیا جائے گا، لیاری میں سڑکوں کی تعمیر پر خطیر رقم خرچ کی گئی۔
ترجمان سندھ حکومت نے کہا کہ دو عشروں بعد لیاری میں سیوریج کی نئی لائنیں بچھائی گئی ہیں، لیاری میں فراہمی ونکاسی آب کا نظام ،سڑکوں کی ٹوٹ پھوٹ دیرینہ مسئلہ تھا، سندھ حکومت عوام کی خدمت پر یقین رکھتی ہے، بہت جلد مزید میگا منصوبوں پر کام کا آغاز ہوگا۔
