اسلام آباد : تحریک عدم اعتماد کے حوالے سے پی ٹی آئی اے سے منحرف ہونے والے اراکین قومی اسمبلی کیخلاف احتجاج کا سلسلہ جاری ہے۔
اس سلسلے میں پی ٹی آئی کارکنان اور عوام کی بڑی تعداد ان اراکین کو ضمیر فروش قرار دے کر ان کی درگت بنا رہے ہیں۔
اپوزیشن جماعتوں کے اشارے پر ضمیر فروشی کرنے کے الزام میں منحرف ممبر قومی اسمبلی نورعالم خان کو عوام نے آڑے ہاتھوں لے لیا۔
نورعالم خان مقامی ہوٹل میں ماسک لگائے بیٹھے تھے کہ وہاں موجود ایک شہری نے انہیں ان کی اس حرکت پر کھری کھری سنادیں۔
شہری نے کہا کہ نورعالم صاحب آپ ملک کو بیچ رہے ہیں، پشاور کےعوام سب دیکھ رہے ہیں، اب آپ اس لائق نہیں رہے کہ ہمیں اپنا بھائی کہیں۔
شہری کا کہنا تھا کہ ہم بھی پشاور سے تعلق رکھنے والے ہیں اور آپ کو اپنے اس عمل کا شہر میں بھی جواب ملے گا، ماسک اتار کر بیٹھیں تاکہ لوگ ملک سے دھوکا کرنے والوں کو پہچانیں۔
