راولپنڈی : ڈی جی آئی ایس پی آر میجر جنرل آصف غفور نے سماء ٹی وی کی گاڑی پر حملے کو افسوسناک قرار دیا ہے۔
تفصیلات کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر اپنے پیغام میں کہا ہے کہ سماء کے اسسٹنٹ کیمرہ مین تیمورکی شہادت پرافسوس کا اظہار کیا۔
میجر جنرل آصف غفور نے کہا کہ اسسٹنٹ کیمرہ مین کی شہادت پر میڈیا، سماء اور اہل خانہ کے غم میں برابر کے شریک ہیں۔
دوسری جانب سماء ٹی وی کے جاں بحق کیمرہ مین تیمور کی نمازجنازہ ادا کردی گئی، جس میں صوبائی وزیر بلدیات جام خان شورو سمیت عوام کی بڑی تعداد نے شرکت کی، نماز جنازہ کے موقع پر ہر آنکھ جواں سالہ تیمور کی موت پر اشکبار تھی۔
مزید پڑھیں : نجی چینل کی ڈی ایس این جی پر فائرنگ، ایک شخص جاں بحق 1 زخمی
گذشتہ روز فائیو اسٹار چورنگی نارتھ ناظم آباد میں پولیس وین پر کریکر حملے کے بعد کوریج کے لئے جانے والی سماء کی وین پر نامعلوم افراد نے فائرنگ کردی تھی، جس کے نتیجے میں اسسٹنٹ کیمرا مین تیمور جاں بحق ہوگیا تھا۔
