راولپنڈی : ڈی جی آئی ایس پی آر نے پی ایس ایل 3کےلئے نیک خواہشات کا اظہار کرتے ہوئے کہا کہ امید ہے کراچی میں پی ایس ایل کا فائنل شاندار ہوگا۔
تفصیلات مطابق پی ایس ایل کے آغاز کے موقع پر ڈی جی آئی ایس پی آر میجر جنرل آصف غفور نے سماجی رابطے کی وہب سائٹ ٹوئٹر پر اپنے بیان میں پی ایس ایل تھری کیلئے نیک خواہشات کا اظہارکیا۔
ڈی جی آئی ایس پی آر نے پی سی بی اور پی ایس ایل کھیلنے والی ٹیموں کیلئے نیک تمناؤں کا اظہار کرتے ہوئے کہا کہ امید ہے کراچی میں پی ایس ایل کا فائنل شاندار ہوگا۔
Good luck to PCB and playing teams for PSL-3. Looking forward to an exciting game of cricket and final at Karachi.
🇵🇰Peaceful Pakistan!#PSL2018 pic.twitter.com/EqA0LieMi9— Maj Gen Asif Ghafoor (@OfficialDGISPR) February 22, 2018
خیال رہے کہ پاکستان سپر لیگ کا تیسرا ایڈیشن اب سے کچھ گھنٹوں کے بعد دبئی میں شروع ہونے جا رہا ہے ، پہلا میچ رات دس بجے پشاور زلمی اور ملتان سلطانز کے درمیان ہوگا۔
پاکستان سپر لیگ کا سیمی فائنل 20 اور 21 مارچ کو لاہور میں کھیلا جائے گا جبکہ پی ایس ایل 2018 کا فائنل 25 مارچ کو کراچی میں کھیلا جائے گا۔
پی ایس ایل تھری میں چھ ٹیمیں مدمقابل ہوں گی، ٹرافی کے لیے کراچی کنگز، لاہور قلندرز، اسلام آباد یونائیٹڈز، ملتان سلطانز، کوئٹہ گلیڈی ایٹرز اور پشاور زلمی ٹکرائیںگے. یہ ٹورنامنٹ 24دنوں پر محیط ہے، جس کے دوران 34 سنسنی خیز مقابلے ہوں گے۔
