راولپنڈی : یوم دفاع و شہداء پر ڈی جی آئی ایس پی آر میجرجنرل آصف غفور نے شہیدوں کو سلام پیش کرتے ہوئے کہا ہم ایک عظیم قوم ہیں اور عظیم قومیں اپنے شہدا کو نہیں بھولتیں۔
تفصیلات کے مطابق یوم دفاع و شہداء کے دن پر ڈی جی آئی ایس پی آر میجرجنرل آصف غفور نے سماجی رابطے کی ویب سائٹ ٹوئٹر پر پیغام میں کہا کہ آج دفاع اور شہدا کا دن ہے، آئیں اپنے شہدا کے گھروں کو جائیں، آئیں شہدا کو اورعظیم خاندانوں کو سلام پیش کریں اور ملک کے لیے دی گئی عظیم قربانی پر ان کا شکریہ ادا کریں۔
ڈی جی آئی ایس پی آر کا مزید کہنا تھا کہ عظیم قومیں اپنے شہداء کو نہیں بھولتیں، ہم ایک عظیم قوم ہیں۔#ہمیں پیار ہے پاکستان سے۔
It’s ‘Defence & Martyrs Day’ today. Let’s visit homes of our martyrs. Let’s salute them and their great families. Let’s thank them for their great sacrifices for our country. Great nations never forget their martyrs; we are a great nation.#WeLovePakistan
— Maj Gen Asif Ghafoor (@OfficialDGISPR) September 6, 2018
مزید پڑھیں : قوم آج یوم دفاع پاکستان ملی جوش وجذبے سے منارہی ہے
خیال رہے ملک بھر میں یوم دفاع و شہدا آج ملی جوش جزبے سے منایا جا رہا ہے، ہمیں پیار ہے پاکستان کے نام سے آئی ایس پی آر کی خصوصی مہم میں شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے۔
شہدا کی یادگاروں پر پھول رکھے جارہےہیں جبکہ غازیوں اور شہدا کے ساتھیوں کے گھر جاکر ان سے محبت کا اظہار کیا جارہاہے ۔
یوم دفاع و شہدا کی مرکزی تقریب رات آٹھ بجے جی ایچ کیو میں ہوگی، وزیر اعظم عمران خان مہمان خصوصی ہوں گے۔
