راولپنڈی: ڈائریکٹر جنرل آئی ایس پی آر میجر جنرل آصف غفور نے سماجی رابطوں کی ویب سائٹ ٹویٹر پر سندھی یومِ ثقافت کی مبارک باد پیش کی۔
تفصیلات کے مطابق پاک فوج کے شعبۂ تعلقات عامہ کے سربراہ میجر جنرل آصف غفور نے ٹویٹ کے ذریعے سندھی کلچرل ڈے پر مبارک باد کا پیغام جاری کیا۔
Happy #SindhiCulturalDay2018 #LongLivePakistan pic.twitter.com/W3RcPsdrMB
— Asif Ghafoor (@peaceforchange) December 2, 2018
ڈی جی آئی ایس پی آر میجر جنرل آصف غفور نے ٹویٹ میں ایک خوب صورت تصویر بھی پوسٹ کی، جو سندھ کی ثقافت کے ساتھ ساتھ تاریخی اور تہذیبی رنگوں سے بھی مزین تھا۔
آئی ایس پی آر کے ڈائریکٹر جنرل نے ٹویٹ میں یومِ ثقافت کی مبارک باد کے ساتھ ساتھ پاکستان زندہ باد کا نعرہ بھی درج کیا۔
خیال رہے کہ آج سندھ بھر میں سندھی ٹوپی اجرک کا دن بھرپور جوش و خروش سے منایا گیا اور اس موقع پر مختلف ثقافتی و سماجی تنظیموں کے جانب سے ریلیاں بھی نکالی گئیں۔
یہ بھی پڑھیں: سندھ کی ثقافت : آج سندھی ٹوپی اجرک کا دن بھرپور جوش و خروش سے منایا جائے گا
سندھ کی سرزمین ثقافتی ورثے سے مالا مال ہے، یہ دن منانے کی روایت نے سندھ کی دم توڑتی ثقافت میں نئی روح پھونک دی ہے، یہ دن منانے کا کا مقصد دنیا کو محبت و امن کا پیغام دینا بھی ہے۔
ثقافتی دن کو منانے والے مہمانوں اور مقامی افراد کو آج کے دن کی مناسبت سے سندھی ٹوپی اور اجرک تحفے میں پیش کر کے محبت کا اظہار کرتے ہیں۔
