ڈی جی خان: صوبہ پنجاب میں انسداد دہشت گردی فورس (سی ٹی ڈی) نے ایک بار پھر دہشت گردی کا منصوبہ ناکام بنا دیا۔
تفصیلات کے مطابق صوبہ پنجاب کے شہر ڈیرہ غازی خان میں کالعدم تنظیم سے تعلق رکھنے والے دو دہشت گردوں کو گرفتار کرکے بارودی مواد برآمد کرلیا۔
سی ٹی ڈی حکام کا کہنا ہے کہ ڈی جی خان کے علاقے جھوک اترا کے قریب سے 2 دہشت گردوں کو گرفتار کیا گیا، جن شناخت بلال اور کاشف کے نام سے ہوئی۔
گرفتار دہشت گرد بلال اور کاشف سے 3 دستی بم اور رقم برآمد کرلی گئی، دہشت گردوں کا تعلق کالعدم تنظیم سے ہے، دہشت گرد سرکاری اداروں پر حملہ کرنےکا منصوبہ بنا رہے تھے۔
خیال رہے کہ گذشتہ ماہ بھی فورسز نے اہم کارروائی کرتے ہوئے ایک دہشت گرد کو ہلاک کیا تھا۔
سیکیورٹی فورسز سے فائرنگ کے تبادلے میں ایک دہشت گرد ہلاک اور ایک زخمی ہوگیا تھا، دہشت گردوں نے گشت کرنے والی رینجرز کی ٹیم پر فائرنگ کی تھی۔
ڈی جی خان میں سیکیورٹی فورسز کی کارروائی، دہشت گرد ہلاک
واضح رہے کہ گذشتہ سال ستمبر میں قلات میں سیکیورٹی فورسز کے آپریشن میں 4 دہشت گرد مارے گئے تھے جبکہ دو جوان شہید ہوگئے تھے۔
دہشت گردوں کے قبضے سے 2 خودکش جیکٹس، دھماکا خیز مواد اور اسلحہ برآمد کیا گیا تھا۔
