لاہور: عوامی سہولت کیلیے محکمہ ریلوے نے اقدام اٹھاتے ہوئے ’ڈیرہ غازی خان ملتان‘ کے نام سے شٹل ٹرین چلانے کا فیصلہ کر لیا۔
شٹل ٹرین 16 اپریل 2025 کو ملتان سے صبح 5 بج کر 30 منٹ پر روانہ ہوگی جو شیر شاہ، مظفر گڑھ اور کوٹ ادو سے ہوتے ہوئے منزل مقصود پہنچے گی۔
شٹل ٹرین صبح 9 بج کر 30 منٹ پر ڈیرہ غازی خان پہنچے گی جبکہ وہاں سے دن 11 بجے روانہ ہوا کرے گی، ٹرین دوپہر 2 بج کر 50 منٹ پر ملتان پہنچا کرے گی، یہ 4 اکانومی کلاس کوچز اور ایک بریک وین پر مشتمل ہوگی۔
دوسری جانب، محکمہ ریلوے نے بولان میل کے اوقات میں 27 اپریل 2025 سے تبدیلی کا فیصلہ کیا ہے، نئے شیڈول کے مطابق کراچی سٹی سے بولان میل شام 4 بجے روانہ ہوگی۔
ٹرین کوٹری، سیہون شریف، دادو، شکار پور اور جیکب آباد سے ہوتے ہوئے روانہ ہوگی اور سبی سے ہوتی ہوئی اگلے روز شام 4 بجے کوئٹہ پہنچے گی۔
