ڈی جی خان : ڈیرہ غازی خان کی سرحدی چوکی لکھانی پر دہشت گردوں کے حملے کو ناکام بنادیاگیا، جس کے بعد دہشت گرد فرار ہونے ہر مجبور ہوگئے۔
تفصیلات کے مطابق ڈیرہ غازی خان (ڈی جی خان) سرحدی چوکی لکھانی پر رات گئے دہشت گردوں نے حملے کردیا، جس پر پولیس نے بھرپور جوابی کارروائی کرتے ہوئے دہشت گردوں کو فرار پر مجبور کردیا۔
ترجمان نے بتایا کہ رات گئے 25 سے 30 دہشت گرد چوکی لکھانی پرحملہ آور ہوئے، تھرمل امیج کیمروں کی مدد سے دہشت گردوں کی نشاندہی کی گئی۔
ترجمان پنجاب پولیس کا کہنا تھا کہ دہشت گردوں نے راکٹ، ہینڈ گرینیڈ سمیت بھاری اسلحہ کا استعمال کیا تاہم پولیس کےجانبازوں نےمشین اور مارٹر گنز سے فائرنگ کرکےفوری جوابی کارروائی کی۔
پولیس، ایلیٹ فورس، رینجرز،سی ٹی ڈی نے ملکر دہشت گردوں کامقابلہ کیا اور مؤثر جوابی کارروائی کے نتیجہ میں دہشت گرد بھاری جانی نقصان اٹھا کر فرار ہوگئے۔
ترجمان نے کہا کہ خیبرپختونخوابارڈرپرتمام چیک پوسٹس پہلےسےہائی الرٹ تھیں، آئی جی پنجاب نے دہشت گردوں کا حملہ پسپا کرنے پر ڈی جی خان پولیس کو شاباشی دی۔
وزیرداخلہ حسن نقوی نے لاکھانی چیک پوسٹ پردہشتگردوں کاحملہ ناکام بنانےپرپولیس کوخراج تحسین کرتے ہوئے کہا پولیس نےبہادری کے ساتھ دہشت گردوں کے مذموم عزائم کو ناکام بنایا، پنجاب پولیس نے ہمیشہ جرات اور بہادری کی تاریخ رقم کی۔
