اسلام آباد : ڈی جی پاسپورٹ نے پاکستانیوں کے لیے اسٹوڈنٹس ویزے بند کرنے کے حوالے سے بڑی خبر دے دی۔
تفصیلات کے مطابق سینیٹ کی قائمہ کمیٹی برائے اوورسیز پاکستانیز کا اجلاس ہوا، اجلاس کی صدارت کمیٹی کےچیئرمین سینیٹرذیشان خانزادہ نے کی۔
ڈی جی پاسپورٹ نے بتایا کہ مختلف سفارت خانے پاکستانی ملزمان کی لسٹ فراہم کر دیتے ہیں ، مختلف زائرین جاتے ہیں اور واپس نہیں آئے، ایسے لوگوں کے نام ایک سی ایل میں ڈال دیتے ہیں۔
کچھ ممالک پاکستانیوں کو پاسپورٹ ایکٹ کے تحت گرفتار کرکے جیل میں نہیں ڈالتے اور فورا پاکستان کے حوالے کر دیتے ہیں، گزشتہ سال 34 ہزار پاکستانی ایران سے ڈی پورٹ ہوئے ہیں۔
ممبر اوورسیز پاکستانی یو ایس اے نے بتایا کہ گزشتہ سال دس ہزار پاکستانیوں نے پناہ مانگنے کیلئے درخواست یو ایس اے میں جمع کرایا۔
ڈی جی پاسپورٹ نے بڑی خبر دیتے ہوئے کہا کہ یو اے ای، اٹلی، یو کے اور یورپ کے کچھ ممالک نے اسٹوڈنٹس ویزہ بند کر دیا ہے، جس پر ممبر کمیٹی کا کہنا تھا کہ جو رفتار چل پڑی ہے، ایسے تو تمام ممالک پاکستانیوں کے ویزے بند کر دیتے ہیں۔
ڈی جی نے بتایا کہ ایسے لوگ جو کام کے ویزے پر گئے اور چھوٹے موٹے غلطی سے ڈی پورٹ ہوئے ہیں، 24 گھنٹے میں متاثرہ شخص کو سن کر نام ایک سی ایل سے نکالنے کا احکامات جاری کر دیتا ہوں۔
سیکرٹری اوورسیز پاکستانی کا کہنا تھا کہ ایم ڈی نصیر کاشانی کی محنت کی وجہ سے 8 تجربہ کار خواتین ویلڈر پاکستان سے کوریا گئی ہیں، جس پر چیرمین کمیٹی نے کہا کہ کمیٹی کی جانب سے نصیر کاشانی کو سلام پیش کرتے ہیں، ایسے محنتی آفیسر پاکستان کو چاہئے۔
