کراچی، ڈی جی رینجرز, اجلاس، مذہبی ہم آہنگی اورامن عامہ پرلائحہ عمل تیار dg rangers
The news is by your side.

Advertisement

ڈی جی رینجرز کی زیرصدارت اہم اجلاس، مذہبی ہم آہنگی اورامن عامہ پرلائحہ عمل تیار

کراچی : ڈی جی رینجرز سندھ میجر جنرل محمد سعید نے کہا ہے کہ ربیع الاول کے بابرکت مہینے میں قیام امن کو برقرار رکھنے کے لیے ہر ممکن کاوشیں بروئے کار لائیں گے اور کسی بھی قسم کی شر انگیزی کو برداشت نہیں کیا جائے گا.

تفصیلات کے مطابق ڈی جی رینجرز کی زیر صدارت اہم سطح کا اجلاس آج ہیڈ کوارٹر کراچی میں ہوا جس میں اجلاس میں پولیس، رینجرز ، سول ایڈمنسٹریشن اور محکمہ داخلہ کے اعلی افسران نے شرکت کی اور اجلاس میں عید میلاد النبی صلی اللہ علیہ وآلہ وسلم کے موقع پرسیکیورٹی انتظامات کا جائزہ لیا گیا.

ترجمان رینجرز کا کہنا تھا کہ اجلاس میں عید میلاد النبی کے لیے سیکیورٹی کا مشترکہ پلان ترتیب دیا گیا ہے جس کے تحت عید میلاد النبی پر رینجرز اور پولیس کی جانب سے فلیگ مارچ کیا جائے گا اور اسنیپ چیکنگ اور جلوسوں کی سیکیورٹی پر اہلکار تعینات رہیں گے.

ترجمان رینجرز نے کہا کہ ضابطہ اخلاق کی پاسداری کو ہر ممکن طور پر یقینی بنایا جا ئے گا اور ضابطہ اخلاق کی خلاف ورزی کرنے والوں سے سختی سے نمٹا جائے گا جب کہ جلوس کے راستے تبدیل کرنے کی اجازت نہیں دی جائے گی.

ترجمان رینجرز نے شہریوں اور علمائے اکرام سے تعاون کی اپیل کرتے ہوئے کہا ہے کہ شرانگیز پمفلٹس کی تقسیم اور قابل اعتراض نعروں پر ممانعت ہوگی جس پر عمل پیرا ہونا سب کے لیے ضروری ہوگا.

Comments

comments

یہ بھی پڑھیں