site
stats
سندھ

سندھ بھرمیں آپریشن جاری رہے گا، ڈی جی رینجرز

کراچی : ڈی جی رینجرز میجرجنرل محمد سعید کا کہنا ہے ٹارگٹڈ آپریشن کراچی سمیت سندھ بھر میں جاری رہے گا، دہشت گردوں اور ان کی پشت پناہی کرنے والوں کو جڑ سے اکھاڑ پھینکیں گے۔ دہشت گردوں ،عسکری ونگ، اغوا۔کاروں اور بھتہ خوروں کا خاتمہ یقینی بنائیں گے۔

تفصیلات کے مطابق نئے ڈی جی رینجرز میجر جنرل محمد سعید سندھ بھر میں آپریشن جاری رکھنے کیلئے پرعزم ڈی جی رینجرز میجرجنرل محمد سعید نے کراچی کے مختلف سیکٹرز کا دورہ کیا۔ افسران اورجوانوں سے ملاقات کی۔

ڈی جی رینجرز نے کراچی میں امن کی بحالی میں سندھ رینجرز کے کردار کو سراہا اور لیفٹیننٹ جنرل بلال اکبر کےاقدامات کوخراج تحسین پیش کیا۔

میجر جنرل محمد سعید نے دہشت گردوں کیخلاف آپریشن جاری رکھنے کے عزم کا اعادہ کرتے ہوئے کہا کہ دہشت گردی میں اندرون وبیرونی طاقتوں کا پورا ادراک ہے جوشرپسند عناصرکو استعمال کرکے قیام امن میں رکاوٹ ڈالنا چاہتے ہیں۔

ڈی جی رینجرز نے کہا کہ عوام کی مدد سے دہشت گردوں اور ان کے سہولت کاروں کے مذموم مقاصد کو جڑ سے اکھاڑ کر کراچی میں پائیدار امن یقینی بنائیں گے۔ انہوں نے کہا کہ مقصد کےحصول کیلئے کسی بھی قربانی سے دریغ نہیں کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top