معاشی ترقی کے لیے امن و امان ہونا لازمی امر ہے، ڈی جی رینجرز سندھ dg-rangers
The news is by your side.

Advertisement

معاشی ترقی کے لیے امن ہونا لازمی ہے، ڈی جی رینجرز سندھ

کراچی : ڈی جی رینجرز محمد سعید نے کہا ہے کہ معاشی ترقی قیام امن سے مشروط ہے اور کراچی میں امن و امان برقرار رکھنے کے لیے ہر ضروری اقدام بجا لائیں گے۔

تفصیلات کے مطابق ڈی جی رینجرز محمد سعید نے کورنگی ایسوسی ایشن آف ٹریڈ اینڈ انڈسٹری کادورہ کیا جہاں کورنگی و لانڈھی کے تاجروں سے ملاقات کی اور بڑھتی ہوئی معاشی سرگرمیوں اور شہر میں امن و اماں کی صورت حال پر تبادلہ خیال کیا۔

اس موقع پر کورنگی ایسوسی ایشن آف ٹریڈ ایند انڈسٹری کے ممبران نے ڈی جی رینجرز کا استقبال کیا اور انہیں ایسوسی ایشن کی کار کردگی سے آگاہ کرتے ہوئے کراچی میں معیشت کی بحالی کے لیے رینجرز کے اقدامات کی تعریف کی اور امن و امان کو برقرار رکھنے میں ہر طرح کے تعاون کی یقین دہانی کرائی۔

اس موقع پر ڈی جی رینجرز محمد سعید نے کہا کہ کورنگی اور لانڈھی صنعتی ایریا کراچی کی معیشت میں اہم کردار ادا کر رہے ہیں جو لائق ستائش بات ہے جب کہ رینجرز امن کی بحالی اور تاجروں کے تحفظ کے لیے کوشاں ہے۔

ٹریڈایسوسی ایشنز کےممبران نے ڈی جی رینجرز سے ملاقات کے دوران ملک دشمن عناصر کی سرکوبی کے لیے رینجرز کے شانہ بشانہ کام کریں گے اور ملک دشمن عناصر کی کسی بھی قسم کی مالی اعانت بہ صورت چندہ، زکوۃ و خیرات وغیرہ کے نہیں کی جائے گی۔

Comments

comments

یہ بھی پڑھیں