The news is by your side.

Advertisement

جلوس کےشرکاءخود کومحفوظ سمجھیں،ڈی جی رینجرز

کراچی : ڈی جی رینجرزبلال اکبرنے کہا ہے کہ کسی بھی قسم کی دہشت گردی سے نمٹے کے لئے ہمہ وقت تیار ہیں، جلوس اور مجالس میں شرکت کرنے والے خود کو محفوظ سمجھیں۔

تفصیلات کے مطابق ڈی جی رینجرزمیجر جنرل بلال اکبریوم عاشورہ کے مرکزی جلوس کے رُوٹ پر سیکیورٹی اقدامات کا جائزہ لینے کے دوران میڈیا سے گفتگو کر رہے تھے،انہوں نے کہا کہ سیکیورٹی کے موثر اقدامات کیے ہیں عزادار بلا خوف و خطر جلوس میں شرکت کریں۔

ڈی جی رینجرز کا کہنا ہے کہ کسی بھی قسم کی دہشت گردی سے نمٹے کے لئے سندھ رینجرزہمہ وقت تیارہے اور جلوس کے شرکاء کو فول پروف سیکیورٹی دینے کے اقدامات مکمل ہیں،جلوس اور مجالس میں شرکت کرنے والے خود کو محفوظ سمجھیں۔

یہ بھی پڑھیں : عزیز آباد سے برآمد اسلحہ بڑی لڑائی میں استعمال ہونا تھا، ڈی جی رینجرز

ایک سوال کے جواب میں ڈی جی رینجرزنے کہا کہ پولیس، رینجرزاور پاک فوج کے جوان تعینات کیے گئے ہیں دہشت گردوں کے مقاصد پورے نہیں ہونے دیں گے اور کراچی کی رونقیں بحال کر دی گئی ہیں۔

انہوں نے مزید کہا کہ کراچی اور صوبہ بھر میں قیام امن کے لئے ہم سب کو مل کر کوششیں کرنی ہوں گی، تمام مذاہب کے لوگوں کو مکمل آزادی ہے اور مجالس، جلوس میں شرکت کرنے والے خود کو محفوظ سمجھیں۔

Comments

comments

یہ بھی پڑھیں