The news is by your side.

Advertisement

یو اے ای، چوری کی انوکھی واردات، سیکنڈز میں ہزاروں درہم چوری

دبئی: متحدہ عرب امارات کی ریاست دبئی میں چوری کی انوکھی واردات ہوئی جس میں چور وں نے سیکنڈز میں 15 ہزار درہم چرا لیے۔

غیرملکی خبررساں ادارے کی رپورٹ کے مطابق متحدہ عرب امارات کی ریاست دبئی میں نامعلوم افراد بھارتی شہری کی جیب سے سیکنڈز میں 15 ہزار درہم چرا کر فرار ہوگئے۔

رپورٹ کے مطابق بھارتی شہری سپر مارکیٹ کے باہر چہل قدمی میں مصروف تھا کہ کچھ افراد نے آکر اسے مارنا شروع کردیا اور بعد میں اس سے معافی بھی مانگی۔

ملزمان بھارتی شہری سے معافی مانگ کر کہنے لگے کہ ہم کسی دوسرے شخص کو تلاش کررہے تھے غلطی سے اسے مارنا شروع کردیا۔

رپورٹ کے مطابق بھارتی شہری آگے کی جانب گیا تو اس نے اپنی جیب میں موجود 15 ہزار درہم چیک کیے جو موجود نہیں تھے۔

بھارتی شہری کی جانب سے پولیس کو شکایت درج کرائی گئی جس کے بعد پولیس نے سی سی ٹی وی فوٹیج کی مدد سے ایک ملزم کو گرفتار کرلیا، متاثرہ شخص نے ملزم کو شناخت بھی کرلیا۔

رپورٹ کے مطابق مزید قانونی کارروائی کے لے کیس کو فوجداری عدالت میں بھیج دیا گیا ہے۔

Comments

یہ بھی پڑھیں