افریقی ملک سینیگال میں نجی ایئر لائن کا طیارہ اڑان بھرنے سے قبل رن وے پر پھسل گیا، جس کے باعث 11مسافر شدید زخمی ہوگئے۔
بین الاقوامی خبر رساں ادارے کی رپورٹ کے مطابق سینیگال کے Blaise Diagne ایئرپورٹ حکام کا اس حوالے سے کہنا ہے کہ طیارہ پھسلنے کے واقعے میں 11 افراد زخمی ہوئے ہیں۔
حکام کے مطابق ٹرانس ایئر کے اس بوئنگ 737طیارے میں 78 مسافر سوار تھے جو مالی کے لئے روانہ ہورہے تھے، طیارے کے رن وے سے پھسلنے کی وجوہات جاننے کیلئے تحقیقات شروع کردی گئی ہیں۔
اس سے قبل بنگلہ دیش کے شہر چٹوگرام میں فضائیہ کا جنگی طیارہ گر کر تباہ ہوگیا تھا۔
بنگلہ دیشی میڈیا رپورٹ کے مطابق چٹوگرام میں ٹرینر لڑاکا طیارہ فنی خرابی کے باعث دریا میں گر کر تباہ ہوا، حادثے میں دونوں پائلٹ محفوظ رہے۔
نجی ایئرلائن کا عملہ اچانک ’بیمار‘ پڑ گیا، پروازیں منسوخ
دونوں پائلٹ پیراشوٹ کے ذریعے جان بچانے میں کامیاب رہے،ویڈیو میں شعلوں میں لپٹ فائر جیٹ کو پانی میں گرتے واضح طور پر دیکھا جاسکتا ہے۔
