The news is by your side.

Advertisement

کورونا کیسز میں اضافہ ، اسلام آباد کے مختلف علاقوں میں لاک ڈاؤن کی سفارش

اسلام آباد : ڈی ایچ او اسلام آباد نے کورونا کیسز میں اضافہ کے پیش نظر کے پیش نظر مختلف علاقوں میں اسمارٹ لاک ڈاؤن کی سفارش کردی ہے۔

تفصیلات کے مطابق وفاقی دارالحکومت میں کورونا کیسز میں اضافہ کے پیش نظر ڈی ایچ او اسلام آباد کی مختلف علاقوں میں اسمارٹ لاک ڈاؤن کی سفارش کردی۔

اس سلسلے میں ڈی ایچ او اسلام آباد نے اسمارٹ لاک ڈاؤن نفاذ کیلئے ضلعی انتظامیہ کو خط لکھا، جس میں کہا ہے کہ اسلام آباد کے بعض علاقوں کی کورونا سرویلنس جاری ہے، بعض علاقوں میں کوروناکیسزمیں تیزی سے اضافہ ہورہاہے۔

ڈی ایچ او کا کہنا تھا کہ کورونا سے متاثرہ علاقوں میں غیر ضروری آمدورفت روکی جائے اور ضلعی انتظامیہ آمدورفت محدود کرنے کیلئے سخت اقدامات کرے۔

خیال رہے ملک بھر میں کرونا کی چوتھی لہر خطرناک صورتحال اختیار کرتی جارہی ہے ، ایک دن میں مزید 76 افراد اس وبا سے انتقال کرگئے جبکہ 4497 کیسز سامنے آئے، اس دوران ثبت کیسز کی شرح 7.5 فیصد رہی۔

دوسری جانب کراچی میں کرونا کیسز میں تیزی سے اضافہ جاری ہے، جس کے باعث مکمل لاک ڈاؤن کا امکان ہے۔

Comments

یہ بھی پڑھیں