The news is by your side.

انوشکا شرما اور دھونی کی اہلیہ کا کیا رشتہ ہے؟ انوکھا اتفاق

بھارتی کرکٹ ٹیم کے دو سینئر کھلاڑیوں ویرات کوہلی اور مہندرا سنگھ دھونی کے درمیان کرکٹ کا رشتہ تو ہے ہی لیکن اس کے علاوہ ایک اور رشتہ بھی ہے جس کا علم عام لوگوں کو نہیں۔

اس حوالے سے بھارتی میڈیا کی ایک رپورٹ میں بتایا گیا ہے کہ ان دونوں کھلاڑیوں کی بیگمات آپس میں پرائمری اسکول کی کلاس فیلو اور دوست ہیں۔

رپورٹ کے مطابق ویرات کوہلی کی بیگم انوشکا شرما بچپن کے زمانے میں جب آسام میں رہتی تھیں تو یہ وہاں کے سینٹ میری اسکول میں تعلیم حاصل کر رہیں تھیں۔

دوسری جانب مہندرا سنگھ دھونی کی اہلیہ ساکشی بھی اسی اسکول میں زیر تعلیم تھیں لیکن یہ ایک دوسرے کو اس وقت نہیں جانتی تھیں۔

ساکشی دھونی اور انوشکا شرما کی اسکول کی گروپ فوٹو سوشل میڈیا پر موجود ہیں جس میں دونوں ایک اسکول فنکشن میں نظر آرہی ہیں۔

تصویر میں دیکھا جاسکتا ہے کہ انوشکا گلابی رنگ کے لہنگا چنی میں نظر آرہی ہیں اور دوسری جانب ساکشی نے پریوں کا لباس پہنا ہوا ہے۔

سال 2013میں انوشکا شرما نے ایک انٹرویو کے دوران انکشاف کیا تھا کہ ان کی جب ساکشی سے بات ہوئی تو انہوں نے بتایا کہ وہ آسام کے ایک بہت چھوٹے شہر میں رہتی تھیں اور سینٹ میری اسکول میں پڑھتی تھیں اتفاق سے انوشکا شرما بھی اسی اسکول میں زیر تعلیم تھیں۔

Comments

یہ بھی پڑھیں