ایبٹ آباد: دفاع پاکستان کونسل نے مقبو ضہ کشمیر کے عوام سے اظہار یکجہتی اور کوئٹہ میں دھماکوں کی مذمت کرتے ہوئے 14 اگست کو کراچی میں ریلی نکالنے کا اعلان کر دیا۔
ایبٹ آباد میں حاجی ایاز خان جدون کی رہائش گاہ پر میڈیا سے گفتگو کرتے ہوئے دفاع پاکستان کونسل کے ممبر اوراہل سنت والجماعت کے سربراہ مولانا محمد احمد لدھیانوی کا کہنا تھا کہ حکومت عوام کے جان ومال کے تحفظ کرنے میں مکمل ناکام ہو چکی، بلوچستان کے وزیراعلیٰ کے را کی پاکستان میں موجودگی کے بیان کے باوجود حکومت خاموش ہے۔
ان کا کہنا تھا کہ بلوچستان میں ہونے والی حالیہ دہشت گردی کی مثال نہیں ملتی جس میں آئین کا تحفظ کرنے والے وکلا کو بڑی تعداد میں شہید کیا گیا۔
مولانا محمد احمد لدھیانوی کا مزید کہنا تھا کہ حکومت بے قصور افراد کو پکڑنے کے بجائے پاکستان کو عدم استحکام کانشانہ بنانے والے عناصر کا خاتمہ کرے۔
