اسلام آباد: ڈیجیٹل نیشن پاکستان بل 2024 کے مندرجات سامنے آگئے ہیں۔
اے آر وائی نیوز کے مطابق ڈیجیٹل پاکستان بل کے متن کے مطابق بل کا مقصد متحرک ڈیجیٹل معاشرے، مضبوط ڈیجیٹل معیشت کو فروغ دینا ہے، موثر ڈیجیٹل گورننس کو فروغ دے کر پاکستان کو بااختیار ملک میں تبدیل کرنا ہے۔
متن کے مطابق بل کے ذریعے پائیدار ترقی کو تیز، عوامی خدمات کی فراہمی کو فروغ دیا جاسکے گا، بل شفافیت اور موثر طریقے سے گورننس کو جدید بنانے کا ذریعہ بنے گا۔
ڈیجیٹل نیشن پاکستان بل 2024 کے تحت اہم گورننس باڈیز قائم کی جائیں گی، نیشنل ڈیجیٹل کمیشن (این اسٹریٹجک اوور سائٹ کمیٹی) پاکستان ڈیجیٹل اتھارٹی قائم کی جائے گی۔
بل کے مندرجات کے مطابق ڈیجیٹل نیشن پاکستان بل 2024 کی بنیاد نیشنل ڈیجیٹل ماسٹر پلان ہے، اس سے وفاقی، صوبائی اور مقامی سطح پر بہتر سروس ڈیلیوری ہوسکے گی۔
بل کے تحت معاشی ترقی کو آگے بڑھانے کے لیے جامع حکمت عملی فراہم کی جائے گی، ڈیجیٹل پبل انفرا اسٹرکچر ڈیٹا ایکس لیئر کو فروغ دے گا، جدت، عوامی خدمات میں اضافہ، شہریوں کی رازداری کی حفاظت کو یقینی بنایا جائے گا۔
