قومی ٹیم کے فاسٹ بولر نسیم شاہ نے اظہر علی سے متعلق واقعہ سنا دیا۔
اے آر وائی ڈیجیٹل کے پروگرام ’دی فورتھ امپائر ایکسپریس‘ میں فاسٹ بولر نسیم شاہ نے شرکت کی اور میزبان فہد مصطفیٰ اور فیضان شیخ کے ساتھ مختلف سیگمنٹ میں حصہ لیا۔
نسیم شاہ نے اظہر علی سے متعلق واقعہ سنایا جب سابق کپتان نے ان کا دل توڑ دیا تھا۔
انہوں نے کہا کہ ایک بندہ میرے سامنے بیٹھا ہے، پہلی بار ان کے ساتھ میرا تصویر بنوانے کا دل کررہا تھا جب ان سے خواہش ظاہر کی تو کہنے لگے کہ ابھی رک جاؤ۔‘
نسیم شاہ کا کہنا تھا کہ ’مجھے بہت افسوس ہوا اور دل ٹوٹ گیا کہ دیکھو ان سے پہلی بار کچھ کہا انہوں نے اس میرے ساتھ اس طرح کیا۔
فاسٹ بولر نے کہا کہ ’جب میرا دل پوری طرح ٹوٹ چکا تھا تو اظہر بھائی نے بلا لیا کہ آجاؤ تصویر کھنچوالو۔‘
قومی ٹیم میں بولنگ میں کس سے مقابلہ ہوتا ہے؟ اس سوال پر نسیم شاہ نے کہا کہ مقابلہ تو نہیں کہیں بس کوشش ہوتی ہے کہ اچھا کرنا ہے۔‘
