پنجابی سپر اسٹار دلجیت دوسانجھ کی کنسرٹ میں گلوکار و ریپر آدتیہ پرتیک سنگھ سسودیا عرف بادشاہ کی سرپرائز انٹری کی ویڈیو سوشل میڈیا پر وائرل ہوگئی۔
پنجابی سپر اسٹار دلجیت دوسانجھ کی دل لومینیٹی ٹور نے دنیا بھر میں مداحوں کو دیوانہ بنا رکھا ہے جس میں کسی نا کسی کی سرپرائز انٹری ہوتی ہے۔
View this post on Instagram
حال ہی میں لندن کے مشہور ایرینا میں منعقد ہونے والے ان کے کنسرٹ کے دوران ریپر اور گلوکار بادشاہ نے سرپرائز شرکت کی جس نے مداحوں کو حیران کر دیا۔
دونوں فنکاروں نے مل کر فلم ’کریو‘ کے مشہور گانے ’نینا‘ پر شاندار پرفارمنس دی اس موقع پر دلجیت نے کہا ’یہ شخص بہت اچھا انسان ہے، میں اسے 15 سال سے جانتا ہوں اور آج پہلی بار ہم دونوں لندن ارینا میں ایک ساتھ پرفارم کر رہے ہیں۔
بادشاہ نے بھی اپنی خوشی کا اظہار کرتے ہوئے کہا کہ دلجیت دوسانجھ کے ساتھ اسٹیج شیئر کرنا میرے لیے جذباتی لمحہ ہے، وہ میرے بڑے بھائی اور رول ماڈل ہیں۔
تاہم جوں ہی ‘بادشاہ ایکس دلجیت اور بادشاہ کی ویڈیوز انٹرنیٹ پر وائرل ہوئیں مداحوں نے سوشل میڈیا پر دونوں گلوکاروں کے بارے میں اپنے مختلف خیالات کا اظہار کرنا شروع کردیا۔