سانتیاگو: چلی کے ایک چھوٹے قصبے میں ڈائناسار کے قدموں کے 1000 سے زیادہ نشانات دریافت ہو گئے۔
تفصیلات کے مطابق شمالی چلی کے چھوٹے سے گاؤں ہواٹاکونڈو کو چلی میں ڈائناسار کے سب سے زیادہ قدموں کے نشانات رکھنے کا اعزاز حاصل ہو گیا ہے۔
نیوز ویک کی ایک رپورٹ کے مطابق سائنس دانوں کے ایک گروپ نے حال ہی میں محض دس دنوں میں ہواٹاکونڈو میں ڈائناسار کے قدموں کے ایک ہزار سے زیادہ نشانات دریافت کیے۔
یہ دریافت چلی اور بیرون ملک کے 5 پیشہ ور ماہرین نے کی، قدموں کے نشان 23 مئی اور 3 جون کے درمیان شمالی چلی کے تاراپاکا علاقے میں دریافت ہوئے ہیں، جہاں انھوں نے 30 مربع کلومیٹر پر پھیلے ہوئے کئی سو قدموں کے نشانات پائے۔
رپورٹ کے مطابق یہ نشانات جن ڈائناسارز کے ہیں ان میں نوجوان، بالغ اور معمر تھیروپوڈ اور سوروپوڈ ڈائناسار کے چھوڑے گئے ہیں، جو 150 ملین سال پہلے رہتے تھے۔
Found dinosaur footprints while hiking in the Italian mountains today.
How did they get up there at 1000 meters on a mountain… 🤔 pic.twitter.com/lrYAEimZuA
— PeterSweden (@PeterSweden7) July 8, 2022
ٹیم نے بتایا کہ قدموں کے نشانات کا سائز 80 سینٹی میٹر سے لے کر ایک میٹر تک ہے، جس سے ظاہر ہوتا ہے کہ بہت بڑے جانور 12 میٹر کی لمبائی تک پہنچ چکے تھے۔
قریب ہی ایک رُسوبی چٹان میں چھوٹے جانور بشمول کیڑے، پودے اور حشرات بھی دریافت ہوئے ہیں۔
ماہرین حیاتیات اس دریافت کے بارے میں پرجوش ہیں کیوں کہ اس سے ڈائناسار کے رویے پر روشنی پڑ سکے گی، دریافت شدہ فوسلز سے اس زمانے اور جگہ کی ماحولیات اور درجہ حرارت کے بارے میں بھی تفصیلات فراہم ہو سکے گی۔